پارو چاولا
پارو چاولا: نامور سنڌي اديب ٺاڪر چاولا جي شريڪ حيات، مشهور ليکڪا، شاعر ۽ سماجي ڪارڪن ۽ ڳائڻي پارو چاولا، 19 جولاءِ 1932ع تي ڪراچيءَ ۾ جنم ورتو. سندس والد ڏيپچند لالواڻي اصل ۾ سيوهڻ جو رهاڪو هو ۽ ريلوي ۾ ملازم هو. پارو چاولا جو ننڍپڻ سيوهڻ ۾ گذريو. هن جو اصل نالو پاروتي آهي. هوءَ 15 سالن جي عمر ۾ ملڪ جي ورهاڱي وقت ڀارت هلي وئي، جتي سندس ٺاڪر چاولا سان 1949ع ۾ شادي ٿي. پارو چاولا مئٽرڪ تائين تعليم حاصل ڪئي. سندس مشغلو شاعري ڪرڻ ۽ مضمون لکڻ سندس مشغلو رهيو. سندس ڪيترائي ڪتاب ڇپيل آهن، جن ۾: ’ساهڙ لهج سنڀار‘، (1968ع)، ’جيئري لاهه زنجير‘، ’پوءِ پروڙيم پنڌ‘، ’رک جهولڻ تي‘ (1988ع)، ’آءٌ اڪيلي‘، (1992ع)، ’چونڊ سنڌي ڪلام ۽ ڏوهيڙا‘ (1992ع)، ’ستر مڻڪا‘، (2000ع) ۽ ‘Drashand- Drashand’. انهن مان ڪجهه سندس شاعريءَ جا مجموعا ۽ ڪجهه صوفي ڪلامن جي سهيڙ تي مشتمل نثري ڪتاب آهن. سندس ڪتاب ’آءٌ اڪيلي‘ تي سينٽرل هندي ڊائريڪٽوريٽ طرفان انعام مليل آهي. پارو چاولا کي راڳ ۽ سنگيت سان وڏو چاهه رهيو. هن ممبئيءَ ۾ باقاعدي سنگيت جي سکيا ورتي. شاهه لطيف، سچل سرمست، بلهي شاهه، سامي، شيخ اياز، تاجل بيوس ۽ ڪيترن ٻين شاعرن کي ڳايو. هن 15 سالن تائين انڊيا ريلوي ۾ هيڊڪلارڪ طور ملازمت ڪئي. ان کان سواءِ هندي ٻوليءَ جي انسٽرڪٽر پڻ رهي. پنهنجي مڙس سان گڏ ’سيتا سنڌو ڀون‘ ممبئيءَ ۾ هر پندرهين ڏينهن سنڌي ثقافتي شو ڪرائيندي هئي، جنهن ۾ سنڌ ۽ دنيا جا ناليوارا فنڪار سنڌي ڪلام پيش ڪندا هئا. پارو چاولا جا ڪيترا سنڌي ڪلام ڀارت ريڊيو ۽ ”دور درشن“ ٽي ويءَ تان هلي چڪا آهن. فيبروري 2001ع ۾ اڌ صديءَ جي وڇوڙي کان پوءِ ٻئي زال مڙس پنهنجو وطن سنڌ گهمڻ آيا. پارو چاولا 14 آگسٽ 2016ع تي ممبئيءَ ۾ وفات ڪئي.
لفظ پارو چاولاھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
2016.08.14 عيسوي
پارو چاولا 14 آگسٽ 2016ع تي ديهانت ڪري ويو.
شخصيتون - ڀاڱي جون ٻِيون داخلائون
جيلاني شيخ عبدالقادراسماعيل موندرو
حاجي محمد رحيم ڪنڀر
روشن الدين روشن
جسٽس غلام رباني
بابا نيڀراڄ
سيد محمد مڪي رحه
رانڪ ميان فضل علي
راشدي بديع الدين شاهه
استاد نظاماڻي